مرزا غالب

کیا تنگ ہم ستم زدگاں کا جہان ہے
جس میں کہ ایک بیضۂِ مور آسمان ہے

داغ دہلوی

یہ خاک میں ملائے تو وہ ہو ستم شریک
مجھ کو زمیں سے لاگ انہیں آسمان سے
شوریدہ سر وہ ہوں کہ اسے سر سے توڑ دوں
گر سنگ حادثہ بھی گرے آسمان سے
فتنہ گر کیا مکان سے نکلا
آسماں آسمان سے نکلا
اب بھی گر پڑ کے ضعف سے نالے
ساتواں آسمان لیتے ہیں

شیخ ابراہیم ذوق

اڑائی حرص نے آ کر جہاں میں سب کی خاک
نہیں ہے کس کو ہوا زیر آسمان لگی

مصحفی غلام ہمدانی

چاند تارے کا دوپٹا میں دیا اس کو بنا
ورنہ اس زینت سے کب تھا آسمان ریختہ
جس انجمن میں کہ پڑتا نہ تھا گمان نگاہ
پڑا ہے ٹوٹ دم رقص آسمان نگاہ

مومن خان مومن

کہاں وہ آہ و فغاں دم بھی لے نہیں سکتے
ہمیں یہ تیری دعائے بد آسمان لگی