مرزا غالب

خانہ ویراں سازی عشقِ جفا پیشہ نہ پوچھ
نامرادوں کا خطِ تقدیر تک بھی سادہ ہے

فیض احمد فیض

جوابِ واعظِ چابک زباں میں فیض ہمیں
یہی بہت ہیں جو دو حرفِ سادہ رکھتے ہیں
وہ آئے پرسش کو پھر سجائے
قبائے رنگیں، ادائے سادہ
منزل کو نہ پہچانے رہِ عشق کا راہی
ناداں ہی سہی، ایسا بھی سادہ تو نہیں تھا

جون ایلیا

ہنر مندی سے اپنی دل کا صفحہ
مری جاں تم نے سادہ کر لیا کیا

شکیب جلالی

سرخی نہیں پھولوں کی تو زخموں کی شفق ہے
دامانِ طلب ہم کبھی سادہ نہیں رکھتے

مجید امجد

اس موڑ پر ابھی جسے دیکھا ہے ، کون تھا؟
سنبھلی ہوئی نگاہ تھی، سادہ لباس تھا

ادا جعفری

مرا افتخار وفا تلک مجھے راس آ نہ سکا اداؔ
ترا نام جس پر لکھا رہا وہ کتاب آج بھی سادہ ہے

زہرا نگاہ

بات کیجے تو کھلتے تھے جوہر بہت
دیکھنے میں تو وہ شخص سادہ سا تھا