مرزا غالب

پھر کچھ اک دل کو بیقراری ہے
سینہ جویائے زخمِ کاری ہے
پھر جگر کھودنے لگا ناخن
آمد فصل لالہ کاری ہے
گل فشانی ہائے نازِ جلوہ کو کیا ہو گیا
خاک پر ہوتی ہے تیری لالہ کاری ہائے ہائے
ہاتھ ہی تیغ آزما کا کام سے جاتا رہا
دل پہ اک لگنے نہ پایا زخمِ کاری ہائے ہائے

انشاء اللہ خان انشا

ہاتھ گہرا لگا کوئے قاتل
زور لذت ہے زخمِ کاری میں

بہادر شاہ ظفر

کھینچتے ہی تیغِ ادا کے دم ہوا اپنا ہوا
آہ دل میں آرزوئے زخمِ کاری رہ گئی

مومن خان مومن

کر دے روزِ جزا شب دیجور
ظلمت اپنی سیاہ کاری کی
چھٹ گئے مر کے نیش ہجراں سے
کام آیا ہے زخمِ کاری آج

علی سردار جعفری

شاخِ گل کب سے ہے سینے میں چھپائے ہوئے گل
دیکھیں کب بادِ صبا حکم چمن کاری دے
چمن افسردہ ہے اے جان چمن روح بہار
گل کو بھی اپنے تبسم کی فسوں کاری دے

تلوک چند محروم

کروں میں کس طرح شکوہ کسی سے دل فگاری کا
کہ دل بھوکا ہے سو سو زخم کھا کر زخمِ کاری کا

عزیز حامد مدنی

ناوک تازہ دل پر مارا جنگ پرانی جاری کی
آج ہوا نے زخمِ کہن میں ڈوب کے تازہ کاری کی

اختر ہوشیارپوری

گزرتے وقت نے کیا کیا نہ چارہ سازی کی
وگرنہ زخم جو اس نے دیا تھا کاری تھا

احمد فراز

ہر ایک بات نہ کیوں زہر سی ہماری لگے
کہ ہم کو دستِ زمانہ کے زخمِ کاری لگے

کلیم عاجز

نہ پوچھو زخم ہائے دل کا عالم
چمن میں ایسی گل کاری نہیں ہے