حسرت موہانی

وفا صادق اگر ہوتی ہماری
وہ کرتے بھی تو جور اتنا نہ کرتے

عزیز حامد مدنی

ایک آدھ حریف غمِ دنیا بھی نہیں تھا
ارباب وفا میں کوئی اتنا بھی نہیں تھا

فراق گورکھپوری

یہ سوز و ساز نہاں تھا وہ سوز و ساز عیاں
وصال و ہجر میں بس فرق تھا تو اتنا تھا

کلیم عاجز

بے رخی بھی ناز بھی انداز بھی
چاہیے لیکن نہ اتنا چاہیے

محبوب خزاں

زیرِ لب آہ بھی محال ہوئی
درد اتنا نہیں کہ تم سے کہیں

ناصر کاظمی

اب تو دنیا بھی وہ دنیا نہ رہی
اب ترا دھیان بھی اتنا نہ رہا
کس کس بات کو روؤں ناصر
اپنا لہنا ہی اتنا تھا