مرزا غالب

از بسکہ سکھاتا ہے غم ضبط کے اندازے
جو داغ نظر آیا اک چشم نمائی ہے

حیدر علی آتش

دل اپنا آئینہ سے صاف عشق پاک رکھتا ہے
تماشا دیکھتا ہے حسن اس میں خود نمائی کا

شیخ ابراہیم ذوق

خوگر ناز ہوں کس کا کہ مجھے ساغرِ مے
بوسۂِ لب نہیں بے چشم نمائی دیتا

مصحفی غلام ہمدانی

بہار خود نمائی ہو چکی بس
جہاں چھوٹی ہوائی ہو چکی بس

الطاف حسین حالی

منہ کہاں تک چھپاؤ گے ہم سے
تم کو عادت ہے خود نمائی کی

تلوک چند محروم

دست خرد سے پردہ کشائی نہ ہو سکی
حسنِ ازل کی جلوہ نمائی نہ ہو سکی

حسرت موہانی

چھپ کے اس نے جو خود نمائی کی
انتہا تھی یہ دل ربائی کی

شکیل بدایونی

ان سے امید رو نمائی ہے
کیا نگاہوں کی موت آئی ہے
حسن مصروف خود نمائی ہے
عشق کا دور ابتدائی ہے

احمد فراز

اپنے دیوان کو گلیوں میں لیے پھرتا ہوں
ہے کوئی جو ہنر زخم نمائی لے لے

اقبال ساجد

کبھی وہ ٹوٹ کے بکھرا کبھی وہ جمع ہوا
خدا نے اس کو عجب معجزہ نمائی دی