مرزا غالب

بن گیا تیغِ نگاہِ یار کا سنگِ فساں
مرحبا میں! کیا مبارک ہے گراں جانی مجھے

حیدر علی آتش

شبِ فرقت میں یار جانی کی
درد پہلو نے مہربانی کی
سلیماں ہم ہیں اے محبوب جانی
سمجھتے ہیں تجھے بلقیس ثانی
پیمبر میں نہیں عاشق ہوں جانی
رہے موسی ہی سے یہ لن ترانی
کون سے دل میں محبت نہیں جانی تیری
جس کو سنتا ہوں وہ کہتا ہے کہانی تیری

داغ دہلوی

پردے پردے میں محبت دشمنِ جانی ہوئی
یہ خدا کی مار کیا اے شوق پنہانی ہوئی
آتے ہی کہتے ہو اب گھر جائیں گے اچھی کہی
یہ مثل پوری یہاں من مانی گھر جانی ہوئی

شیخ ابراہیم ذوق

مار کر تیر جو وہ دلبر جانی مانگے
کہہ دو ہم سے نہ کوئی دے کے نشانی مانگے

مصحفی غلام ہمدانی

زخم ہے اور نمک فشانی ہے
دوستی دشمنی جانی ہے
کبھی تو بھی تو میرے خواب میں آ
میں تیری یاد جانی کر رہا ہوں
مصحفیؔ دم توڑے ہے مرتا نہیں
کر رہا ہے یہ گراں جانی صریح

مرزا رفیع سودا

اے آہ تری قدر اثر نے تو نہ جانی
گو تج کو لقب ہم نے دیا عرش مکانی

عرفان صدیقی

چاہنے والی، مرے درد جگانے والی
میری محبوب، مری دشمنِ جانی، بارش
دل کا جو حال ہوا دشمنِ جانی کا نہ ہو
آخرِ شب کبھی آغاز کہانی کا نہ ہو

عبید اللہ علیم

تم اپنے رنگ نہاؤ میں اپنی موج اڑوں
وہ بات بھول بھی جاؤ جو آنی جانی ہوئی
تیرے پیار سے پہلے کب تھا دل میں ایسا سوز و گداز
تجھ سے پیار کیا تو ہم نے اپنی قیمت جانی ہے

تلوک چند محروم

جان و دل پر جتنے صدمے ہیں اسی کے دم سے ہیں
زندگی ہے فی الحقیقت دشمنِ جانی مری

سیماب اکبر آبادی

میں حسن وفا کی زندگی تھا
تم نے مری قدر ہی نہ جانی

احمد فراز

دل سلگتا ہے مگر سوختہ جانی کم ہے
شعر کیا کہوں کہ طبیعت میں روانی کم ہے

امیر مینائی

ہے اگر شمشیر قاتل کو روانی پر گھمنڈ
بسملوں کو بھی ہے اپنی سخت جانی پر گھمنڈ

فراق گورکھپوری

زندگی انتظار ہے تیرا
ہم نے اک بات آج جانی ہے