مرزا غالب

ہاں اہلِ طلب! کون سنے طعنۂِ نا یافت
دیکھا کہ وہ ملتا نہیں اپنے ہی کو کھو آئے

مصحفی غلام ہمدانی

ایک تو بیٹھے ہو دل کو مرے کھو اور سنو
تس پہ کہتے ہو ''دیا ہے تجھے '' لو اور سنو
تری باتوں سے تو اے مصحفیؔ جی اپنا تنگ آیا
خدا کے واسطے چپ رہ نہ میری جان کھو کافر

فیض احمد فیض

تھی، مگر اتنی رائگاں بھی نہ تھی
آج کچھ زندگی سے کھو بیٹھے
نہ گئی تیری بے رخی نہ گئی
ہم تری آرزو بھی کھو بیٹھے

مرزا رفیع سودا

سوداؔ قمار عشق میں شیریں سے کوہ کن
بازی اگرچہ پا نہ سکا سر تو کھو سکا

باقی صدیقی

ہجوم رنج و غم میں کھو گئے ہم
زمانے کے مقابل ہو گئے ہم
شبِ تاریک کی زد سے نکل کر
سحر کی ظلمتوں میں کھو گئے ہم

عبدالحمید عدم

موسمِ بہار ہے عنبریں خمار ہے
کس کا انتظار ہے گیسوؤں کو کھولیے

شکیب جلالی

پردہِ شب کی اوٹ میں زہرہ جمال کھو گئے
دل کا کنول بجھا تو شہر‘ تیرہ و تار ہو گئے

مجید امجد

اپنے د ل کی کھوج میں کھو گئے کیا کیا لوگ
آنسو تپتی ریت میں بو گئے کیا کیا لوگ

جمال احسانی

ستارے ہی صرف راستوں میں نہ کھو رہے تھے
چراغ اور چاند بھی گلے مل کے رو رہے تھے
نگاہ ایسے میں خاک پہچانتی کسی کو
غبار ایسا تھا آئینے عکس کھو رہے تھے

جلیل مانک پوری

گھٹائیں جھومتی ہیں میکدے پر
کہ پریاں اڑ رہی ہیں بال کھولے

شاد عظیم آبادی

جب کسی نے حال پوچھا رو دیا
چشمِ تر تو نے تو مجھ کو کھو دیا
زمرۂ اہلِ قلم میں لکھ کے نام
خود کو ناحق شادؔ تو نے کھو دیا
بحرِ ہستی کے عمق کو کیا بتاؤں
ڈوب کر میں شادؔ اس میں کھو گیا

شان الحق حقی

اک تمنا کہ سحر سے کہیں کھو جاتی ہے
شب کو آ کر مرے آغوش میں سو جاتی ہے
دل کی توفیق سے ملتا ہے سراغ منزل
آنکھ تو صرف تماشوں ہی میں کھو جاتی ہے

احمد فراز

غزل سن کر پریشاں ہو گئے کیا
کسی کے دھیان میں تم کھو گئے کیا

شاذ تمکنت

کیا قیامت ہے کہ اک شخص کا ہو بھی نہ سکوں
زندگی کون سی دولت ہے کہ کھو بھی نہ سکوں

مجروح سلطان پوری

مسرتوں کو یہ اہلِ ہوس نہ کھو دیتے
جو ہر خوشی میں ترے غم کو بھی سمو دیتے
بہانے اور بھی ہوتے جو زندگی کے لیے
ہم ایک بار تری آرزو بھی کھو دیتے

ناصر کاظمی

کچھ کہہ کے خموش ہو گئے ہم
قصہ تھا دراز کھو گئے ہم