شاد عظیم آبادی

ایک ستم اور لاکھ ادائیں اف ری جوانی ہائے زمانے
ترچھی نگاہیں تنگ قبائیں اف ری جوانی ہائے زمانے

شان الحق حقی

نغموں کی زباں میں کوئی سمجھے تو بتائیں
کیا چیز ہے یہ طرز یہ طرحیں یہ ادائیں
ایمائے غزل کرتی ہیں موسم کی ادائیں
اک موج ترنم کی ہوس میں ہیں فضائیں

نوح ناروی

کوئی جیتا ہے ان سے اور مرتا ہے کوئی ان پر
لگاوٹ کی ادائیں بھی قیامت ہیں قیامت ہیں
ادھر میری طبیعت بھی نہیں رکتی نہیں تھمتی
ادھر ان کی ادائیں بھی قیامت ہیں قیامت ہیں
قیامت کے جو منکر ہوں وہ دیکھیں میری آنکھوں سے
حسینوں کی ادائیں بھی قیامت ہیں قیامت ہیں