پہلی آواز

تاروں پہ کمندیں پھینک چکے ، مہتاب پہ شب خوں ہو بھی چکا

کس خواب کے جھوٹے افسوں سے تسکینِ دلِ ناداں کیجے

شادابیء دل، تفریحِ نظر، اب زیست کا درماں کوئی نہیں

اک موت کا دھندا باقی ہے ، جب چاہیں گے نپٹالیں گے

دوسری آواز

اس بزم میں اپنی مشعلِ دل، بسمل ہے تو کیا، رخشاں ہے تو کیا

افسردہ ہیں گرِ ایام ترے ، بدلا نہیں مسلکِ شام و سحر

آباد ہے وادیء کاکل و لب، شاداب و حسیں گلگشتِ نظر

اس دیدہء تر کا شکر کرو، اس ذوقِ نظر کا شکر کرو

پہلی آواز

رعنائیِ شب کا کیا ہو گا، اندازِ سحر کا کیا ہو گا

اس دیدہء تر کا کیا ہو گا، اس ذوقِ نظر کا کیا ہو گا

یہ ساز کہاں سر پھوڑیں گے ، اس کلکِ گہر کا کیا ہو گا

آئے کہ نہ آئے موسمِ گل، اس دردِ جگر کا کیا ہو گا

یہ ہاتھ سلامت ہیں جب تک، اس خوں میں حرارت ہے جب تک

ان طوق و سلاسل کو ہم تم، سکھلائیں گے شورشِ بربط و نے

آزاد ہیں اپنے فکر و عمل بھرپور خزینہ ہمت کا

یہ شام و سحر یہ شمس و قمر، یہ اختر و کوکب اپنے ہیں