وہ بارگہ خاص کی پاکیزہ عمارت

بڑھتی تھی جہاں نظم و سیاست کی مہارت

جوں شحنۂ معزول پڑی ہے وہ اکارت

کہتا ہے سخن فہم سے یوں کتبہ دروں کا

اورنگ سیہ رنگ جو قائم ہے لبِ بام

اشعار میں ثبت اس پہ جہانگیر کا ہے نام

پر صاف نظر آتا ہے کچھ اور ہی انجام

فرسودگی دہر نے شق اب تو کیا ہے

ہاں کس لیے خاموش ہے او تخت جگر ریش

کملی ہے ترے دوش پہ کیوں صورت درویش

بولا کہ زمانے نے دیا نوش کبھی نیش

صدقے کبھی مجھ پر گہر و لعل ہوئے تھے

اس عہد کا باقی کوئی ساماں ہے نہ اسباب

وہ جام بلوریں ہیں نہ وہ گوہرِ نایاب

ہنگامہ جو گزرا ہے سو افسانہ تھا یا خواب

وہ بزم نہ وہ دور نہ وہ جام نہ ساقی

درشن کے جھروکے کی پڑی تھی یہیں بنیاد

وہ عدل کی زنجیر ہوئی تھی یہیں ایجاد

وہ نورجہاں اور جہانگیر کی افتاد

ہر چند کہ بے کار یہ تعمیر پڑی ہے

وہ دور ہے باقی نہ وہ ایام و ایالی

ہر کوشک و ایوان ہر اک منزل عالی

یہ جملہ محلات جو سنسان پڑے ہیں