اب دھندلی پڑتی جاتی ہے تاریکیِ شب، میں جاتا ہوں

جاتا ہوں، اجازت! جانے دو، وہ دیکھو اجالے چھانے کو ہیں

وہ پھولوں کے گجرے جو تم کل شام پرو کر لائی تھیں

دیکھو ان باسی کلیوں کی پتی پتی مرجھائی ہے

اب مجھ کو یہاں سے جانا ہے ، پرشوق نگاہو! مت روکو

ان الجھی الجھی زلفوں میں دل اپنا بسارے جاتا ہوں

جاتا ہوں، اجازت! وہ دیکھو، غرفے سے شعاعیں جھلکی ہیں

کھیتوں میں کسی چرواہے نے بنسی کی تان اڑائی ہے

مجبور ہوں میں، جانا جو ہوا، دل مانے نہ مانے جاتا ہوں