خبر ہے تجھ کو کچھ، رلدو! مرے ننھے ! مرے بالک!

کہاں رہتا ہے پرمیشر؟ ادھر آکاش کے پیچھے

نہیں دیکھا؟ سویرے جوں ہی مندر میں گجر باجا

لیے سونے کا چھابا جب ادھر پورب سے آتا ہے

نہیں سمجھے کہ اتنا دور کیوں اس کا بسیرا ہے ؟

یہ دنیا والے ، یہ امرت کے رس کی چھاگلوں والے

یہ اس کو اپنی لاشیں اپنے مردے سونپ دیتے ہیں

جنہیں دوزخ کے زہروں میں بھگو کر بھونتا ہے وہ

یہ اس بھگوان کے دامن کو چھو لینے سے ڈرتے ہیں

کسی نے بھول کر اس کا بھجن گایا، یہ جل اٹھے

غلط کہتا ہے تو نادان، تو نے اس کو دیکھا ہے