ابد کے سمندر کی اک موج جس پر مری زندگی کا کنول تیرتا ہے

جو دم بھر کو آ کر مری الجھی الجھی سی سانسوں کے سنگیت میں ڈھل گئی ہے

طلوع وغروب مہ و مہر کے جاؤدانی تسلسل کی دو چار کڑیاں

یہ جو کچھ کہ میرے زمانے میں ہے اور یہ جو کچھ کہ اس کے زمانے میں میں ہوں

مجھے کیا خبر، وقت کے دیوتا کی حسیں رتھ کے پہیوں تلے پس چکے ہیں

مجھے کیا تعلق ۔۔۔ میری آخری سانس کے بعد بھی دوش گیتی پہ مچلے

مگر آہ یہ لمحۂ مختصر جو مری زندگی، میرا زادِ سفر ہے

یہی کچھ ہے لے دے کے میرے لیے اس خرابات شام و سحر میں یہی کچھ

یہ صہبائے امروز جو صبح کی شاہزادی کی مست انکھڑیوں سے ٹپک کر

ہوا کا یہ جھونکا جو میرے دریچے میں تلسی کی ٹہنی کو لرزا گیا ہے

یہ دنیائے امروز میری ہے ، میرے دلِ زار کی دھڑکنوں کی امیں ہے

انہی چلمنوں سے مجھے دیکھنا ہے وہ جو کچھ کہ نظروں کی زد میں نہیں ہے