من کے ہنستے بستے دیس کے رستے رستے پر مسکائے

تیری اکھیاں، جیون سکھیاں، دل کے تٹ پر راس رچائیں

لیکن جب میں ہات بڑھاؤں، تیرا دامن ہات نہ آئے

جیسے اک طوفان میں گھر کر، گر کر، پھول کی پتی ابھرے

سکھ کی سا مگری سے نگری نگری کے آنگن بھر جائیں

لیکن جب میں تجھ کو پکاروں، دور اک گونج کی میت گزرے

آنے والو! کیوں چھپتے ہو؟ گھونگھٹ کھولو، ہنس ہنس بولو

خوابوں کے مسحور خرابوں میں ارمانوں کے گلدستے

اپنے ہات سے میری چائے کی پیالی میں چینی گھولو!