کھلاڑیوں کے خودنوشت دستخط کے واسطے

کھڑی ہیں منتظر — حسین لڑکیاں!

مہیب پھاٹکوں کے ڈولتے کواڑ چیخ اٹھے

گرے ، بڑھے ، مڑے بھنور ہجوم کے

بیاضِ آرزو بہ کف

لرز رہا ہے دم بہ دم

کوئی جب ایک ناز بے نیاز سے

حروفِ کج تراش کی لکیر سی

کسی عظیم شخصیت کی تمکنت

تو زرنگار پلوؤں سے جھانکتی کلائیوں کی تیز بنض رک گئی

وہ صفحۂ بیاض پر بصد غرور کلکِ گوہریں پھری

میں اجنبی، میں بے نشاں

نہ رفعتِ مقام ہے ، نہ شہرتِ دوام ہے

نہ اس پہ کوئی نقش ہے ، نہ اس پہ کوئی نام ہے !