دیے بن کر یوں ایوانِ فلک میں جگمگا اٹھنا

چمن گونجا نہ تھا اب تک عنادل کے ترنم سے

نہ آئی تھی ابھی ہمت یہ ننھے جاں نثاروں میں

نہ بجلی یوں شرر بار اور خرمن سوز ہوتی تھی

نہ اب تک گونجنے پائے تھے نغمے نغمہ زاروں میں

نہ اب تک رونے دھونے میں یوں راتیں ان کی کٹتی تھیں

نہ چھیڑا تھا ابھی تک اس نے اپنے سازِ الفت کو

کھڑا خالی کماں کو تھا سنبھالے دیوتا کیوپڈ

مصیبت ریز، خوف آمیز، ہول انگیز خاموشی

ہزاروں جاگ اٹھے فتنے اس دنیا کی بستی میں

ہوئی ہر ذرۂ رقصاں میں پیدا شانِ سیمابی

پڑا نورس گلوں کے قہقہوں کا غل گلستاں میں

دبستانوں سے بلبلِ کی نوائے ہاوہو اٹھی

مچل کر بجلیاں ٹوٹیں زمیں پر آسمانوں سے

سنایا گا کے سبزے کو گزشتہ شب کا خواب اپنا

کہ جیسے برق چمکے برشگالی کالی راتوں میں

ریاضِ دہر میں اک رنگ و بو کا کارواں آیا

نشوں کی ایک دنیا اور کیفیات کی بستی

یہ ساری کائناتِ شش جہت اک جلوۂ رنگیں

چمک کر جو ترے لب پر فروغ افزائے عالم ہے

تبسم آہ جس کا رقص مضراب رگِ جاں ہے