حیاتِ انساں کی قسمتوں پر تری نگاہوں کی حکمرانی

بہارِ فطرت ترے لبِ لعل گوں کی دوشیزہ مسکراہٹ

فروغِ صد کائنات تیری جبینِ سیمیں کی ضو فشانی

ترستی روحوں کو جامِ عشرت پلا رہی ہیں تری وفائیں

دماغِ پروردگار میں جو ازل کے دن سے مچل رہا تھا

نمود تیری اسی مقدس حسیں تخیل کی ترجمانی

ہیں جام ایراں کی مے میں تیرے لبوں کی شیرینیاں ابھی تک

ہے تیری الفت کے راگ پر موجِ رودِ گنگا کو وجد اب تک

جمالِ زہرہ ترے ملائک فریب جلووں کی اک نشانی

ترے تبسم کے کیف سے ہے یہ غم کی دنیا، طرب کی دنیا

ترا تبسم کلی کلی میں، ترا ترنم چمن چمن میں

کتابِ تاریخِ زندگی کے ورق ورق پر تری کہانی

وجودِ ارض و سما نہ ہوتا، نمودِ کون و مکاں نہ ہوتی