کب تلک ماتمِ ناکامیِ تدبیر کریں

کب تلک شکوۂ بے مہری ایام کریں

آج بربادِ خزاں ہے چمنستانِ وطن

مرکزِ نالہ و شیون ہے دبستانِ وطن

نوجوانانِ وطن! آؤ کوئی کام کریں

آؤ جکڑی ہوئی روحوں کو پھر آزاد کریں

یہ نہیں شرطِ وفا، بیٹھ کے آرام کریں

ایک ہنگامہ سا ہے آج جہاں میں برپا

آج ڈھونڈے سے نہیں ملتی زمانے میں وفا

نوجوانانِ وطن! آؤ کوئی کام کریں

حشمتِ روم سے اور صولتِ رے سے نہ ڈریں

ہم جواں ہیں تو نہ کچھ خدشۂ آلام کریں

رشتۂ مکر و ریا توڑ بھی دیں، توڑ بھی دیں

اپنی یہ طرفہ ادا چھوڑ بھی دیں، چھوڑ بھی دیں

نوجوانانِ وطن! آؤ کوئی کام کریں