کراچی کو جاتی ہوئی ڈاک گاڑی

مسافت کو یوں طے کیے جا رہی ہے

یہ چٹیل سے میداں، یہ ریتوں کے ٹیلے

یہ کپاس کی کھیتیوں کی بہاریں

گھنے بن کی پھلواڑیوں کی تگ و دو

یہ چھوٹی سی بستی، یہ ہل اور یہ ہالی

یہ حیران بچے ، یہ خاموش مائیں

یہ نہروں میں بہتا ہوا مست پانی

یہ اینٹوں کا آوا، یہ اونٹوں کی ڈاریں

درختوں کے سایوں سے آباد رستے

بدلتے چلے جا رہے ہیں نظارے

یہ صحرا جو نظروں کو برما رہا ہے

نظر ایک منظر پہ جمتی نہیں ہے

کنواں بن میں برباد سا اک پڑا ہے

بہت دور ادھرایک محمل دواں ہے

کھجوروں کا جھرمٹ نظر آ رہا ہے

وہ گاڑی کے پہیوں کی دلدوز آہٹ

یہ شام دلآرا، یہ پل کا نظارا

وہ اٹھتا ہوا مرتعش ناتواں سا

وہ ویراں سی مسجد، وہ ٹوٹی سی قبریں

نیا رنگ ہر دم دکھاتے ہیں منظر

ہر اک شے میں حرکت ہے ، جولانیاں ہیں

کشش ہے ، فسوں ہے ، نہ جانے وہ کیا ہے

مرا خطۂ نور و رنگ آ گیا ہے

مدوکی جھنگ(12-12-1938