ایرپورٹ تے
مجید امجد
میدان ہوائی جہازوں دے اساں وچ قطاراں ڈٹھی
سو سو بتی بلدی، کائی رتی تے کائی چٹی
اوڈے آون تے اوڈے جاؤن کونجاں وانگ کھٹولے
جنھاں ڈٹھی ست اسماناں دی ہر گھجل تھاں ان ڈٹھی
لکھاں رنگ برنگے بھیساں وچ پئے پھردے ہسدے ٹولے
جنھاں ہسدیاں ہسدیاں تروڑ لئی ساڈے دل دی کھڑدی سٹی
تری رہ وچ پندھ پہاڑاں دے ، ترے کھمبا ہیٹھ سمندر
اڈدیے کونجے ، لے چل ساڈی دردِ فراق دی چٹھی
جا آکھیں دور دے دیساں دے وسنیکاں نوں جا آکھیں
تسیں بدلاں دے وچ وسدے ، اسیں مٹی دے وچ مٹی