وقت ہے اک حریم بے دیوار

رقص کرتے ہوئے گزرتے ہیں

بیتتی بات اور آنے والی آن

سب زمانے ، تمام عرصۂ دہر

کل وہ سب کچھ تھا جو کچھ آج بھی ہے

جب وہ سب کچھ کہ جس نے ہونا ہے

لاکھ قرنوں کے ان قرینوں میں

صرف اک پل، بسیط، بے مدت

اس کی یک رنگیوں میں یکساں ہیں

سلسلے سجتی سجتی سیجوں کے بھی

وقت بہتا ہوا وہ دھارا ہے

وقت جیتی حقیقتوں کا جتن

اتنے پہلو ہیں اس پہیلی کے

ہے فقط انگلیوں کا لمس اور بس

Richard Aldington کی نظم کا ترجمہ