اتنا بھرپور سماں تھا ۔۔۔ مگر اب کے تو ہر اک گرتے ہوئے پتے کے ساتھ

اور اک ریت کی سلوٹ مرے دل میں ابھری

اتنا بھرپور سماں تھا، مگر اب کے تو مجھے جس نے بھی دیکھا، یہ کہا:

تیرے ہونٹوں سے تو اب ایک وہ مرجھائی ہوئی موجِ تبسم بھی گئی‘‘

اک تپش ایسی بھی ہے جس کے سبب

سانس کے بل میں پنپنے کی سکت بٹتی ہے

میں یہ اب کس کو بتاؤں کہ مرے جسم کے ریشوں کے اس الجھاؤ میں ہے

جو ہر اک دکھ کی دوا ڈھالتی ہے

مجھ سے کہتی ہے کہ ’’دیکھ، ایک برس اور بجھا

گھاؤ یہ اب نہ بھرے گا، یہی بہتر ہے کہ ہونٹوں پہ لگا لے کسی جھوٹی سی کڑی سوچ کی مہر

ورنہ سب لوگ یہی کہتے ہیں: ’’اس شخص کو دیکھو، اب تو