ہوا اس جگہ کتنی ٹھنڈی ہے ، جھونکوں پہ سایوں کے دھبے بھی ہیں کتنے ٹھنڈے

خنک چھاؤں کی ٹکڑیاں سی مرے جسم پر تھرتھرائیں

عجب اک اچھوتی سی ٹھنڈک مری روح میں سرسرائی

وہ دن کتنے اچھے تھے جب ایک بھیگی ہوئی سانس کی ریشمیں رو

وہ مبہم سی خوشیاں جو چھپ چھپ کے ہر موڑ پر، نت نئے بھیس میں

ہواؤں پہ سایوں کے چھدرے سے دھبے

سرِ خاک بے ربط، بے سطر، خاکے

پھر آگے وہی دھوپ، شاداب دردوں کی جانب ہمکتی ہوئی

حدِ عدم تک!