اور اپنی اس خوبی کے لچھن دیکھے اس نے ، سب دنیا سے چھپ کر

لوگوں کے ذہنوں میں اس خوبی کی بابت اب اک میٹھی میٹھی نفرت ہے

سب کی زبانیں چپ ہیں، سب کے دل اس علم پہ نادم ہیں

وہ مچھلی بس اک بار اس گندے پانی میں نہائی تھی

اب رنگیں صدفوں میں دھنسی ہوئی وہ سرخ مساموں والے گوشت کی گتھلی

تقدیروں کی کھسرپھسر سے بھرے ڈرائنگ روموں میں

مرغولوں کی باچھوں میں مسکاتی ہے

تو کس دنیا سے ٹکرانے آیا ہے

کوڑھی اوگن ہار دلا!