دنوں کے اس آشوب کے ساتھ اک تیرے ذکر کا امن بھی جس کو مل جائے

تو ہی جس کی خاطر چاہے اپنے نام میں اپنی کشش رکھ دے

نہیں تو باقی کیا ہے ، مٹی میں مل جانے والی عمریں، مجھ جیسی

شاید یوں ہو، سب کچھ تیرے کرم کی رمزیں ہوں

ایسے ایسے گمان

خود ہی اپنے آپ کو میرے دل سے بھلوا دیتا ہے

یوں دھتکارا ہوا میں جا گرتا ہوں، لوہے کی گردن والی ان کاٹھ کی روحوں میں

اور میری سانسوں میں پھر سے وہ تسبیحیں گرداں ہو جاتی ہیں، جن میں تیرے نام کے دانے ہیں

سارے زمانے ، سارے ابد