مرزا غالب

آفت آہنگ ہے کچھ نالۂِ بلبل ورنہ
پھول ہنس ہنس کے گلستاں میں فنا ہو جاتا

جگر مراد آبادی

دل پر ہزار طرح کے اوہام چھا گئے
یہ تم نے کیا کیا مری دنیا میں آ گئے

رئیس فروغؔ

روز میرے شہر میں
آگ لگتی ہے کہیں
کس دکاں سے لاؤں میں
اپنے ہونے کا یقیں

بشیر بدر

تب ان پہ موٹے شیشوں کا چشمہ چڑھا نہ تھا
میں صاحب غزل تھا حسینوں کی بزم میں
سمندر کے سفر میں اس طرح آواز دے ہم کو
ہوائیں تیز ہوں اور کشتیوں میں شام ہو جائے

جلیل مانک پوری

مٹ گئے شکوے جب اس نے اے جلیلؔ
ڈال دیں بانہیں گلے میں ناز سے

کیفی اعظمی

لائی پھر ایک لغزشِ مستانہ تیرے شہر میں
لائی پھر اک لغزشِ مستانہ تیرے شہر میں
آج پھر دیکھا گیا دیوانہ تیرے شہر میں
جرم ہے تیری گلی سے سر جھکا کر لوٹنا
کفر ہے پتھراؤ سے گھبرانا تیرے شہر میں
شاہ نامے لکھے ہیں کھنڈروں کی ہر اینٹ پر
ہر جگہ ہے دفن اک افسانہ تیرے شہر میں
کچھ کنیزیں جو حریمِ ناز میں ہیں باریاب
مانگتی ہیں جان و دل نذرانہ تیرے شہر میں
ننگی سڑکوں پر بھٹک کر دیکھ جب مرتی ہے رات
پھر بنیں گی مسجدیں مے خانہ تیرے شہر میں
آج پھر ٹوٹیں گی تیرے گھر کی نازک کھڑکیاں

نوح ناروی

نکھر آئی نکھار آئی سنور آئی سنوار آئی
گلوں کی زندگی لے کر گلستاں میں بہار آئی