امام بخش ناسخ

مس کے زر ہونے سے بہتر ہے کمال انساں
خاکساری ہے جدا اور ہے اکسیر جدا
رنگ خوبانِ جہاں دیکھتے ہی زرد کیا
آپ زور آنکھوں میں اکسیر لیے پھرتے ہیں

بہادر شاہ ظفر

ہاتھ آئے ہے کیا خاک ترے خاک کف پا
جب تک کہ نہ قسمت میں ہو اکسیر کسی کی
اے مہوس جب کہ زر تیرے نصیبوں میں نہیں
تو نے محنت بھی پئے اکسیر پھر کھینچی تو کیا

مصطفٰی خان شیفتہ

سیماب تھا دل، جل کے سو اب خاک ہوا ہے
لے جائیں مری خاک کو اکسیر کے مشتاق

مرزا رفیع سودا

ہو خاک راہِ عشق میں تا قدر ہو تری
مس کے طلا بنانے کو اکسیر شرط ہے

یگانہ چنگیزی

دل جل کے خاک ہو تو پھر اکسیر ہو نہ جائے
جاں سوز ہوں جو نالے تو تاثیر ہو نہ جائے

باقی صدیقی

عمر بھر جس کی شکایت کی ہے
دل اسی آگ سے اکسیر ہوا

عرفان صدیقی

اپنے ہی دستِ تہی ظرف نے مارا تم کو
اب بکھر جانا ہی اکسیر تمہارے لیے ہے

مجید امجد

امجد، دیارِ لعل و گہر میں کسے خبر
وہ جن کی خاکِ پا بھی ہے اکسیر، کون ہیں