امام بخش ناسخ

نہ ہنسنے سے کبھی ہم راز پوش واقف ہوں
برنگ غنچہ جگر جب تلک فگار نہ ہو
تری مژہ کی جو تشبیہ اس سے ترک کریں
کسی کے تیر سے کوئی کبھی فگار نہ ہو
کچھ تری تیغِ جفا کی نہیں تقصیر اے گل
صورت غنچہ مرا دل ہے فگار آپ سے آپ

بہادر شاہ ظفر

گئی یک بہ یک جو ہوا پلٹ نہیں دل کو میرے قرار ہے
کروں اس ستم کو میں کیا بیاں مرا غم سے سینہ فگار ہے

مصحفی غلام ہمدانی

نہ سیر لالہ و گل ہم کو کچھ نظر آئی
کہ نوک ہر مژہ پر یاں دل فگار رہا

مومن خان مومن

وہ نمک پاش بھی نہیں ہوتے
یوں ہی دل کو فگار ہونا تھا

جون ایلیا

دوستو دوست کو سنبھالا دو
دور سے پا فگار آیا ہوں

عبدالحمید عدم

جو بھی اٹھتا ہے اس کی محفل سے
خستہ و دل فگار اٹھتا ہے

ادا جعفری

یہ طلوع روز ملال ہے سو گلہ بھی کس سے کریں گے ہم
کوئی دل ربا کوئی دل شکن کوئی دل فگار کہاں رہا

علی سردار جعفری

ہم جو محفل میں تری سینہ فگار آتے ہیں
رنگ‌ بر دوش گلستاں بہ کنار آتے ہیں

احمد راہی

میں دل زدہ ہوں اگر دل فگار وہ بھی ہیں
کہ درد عشق کے اب دعویدار وہ بھی ہیں

فانی بدایونی

نہیں کہ آہ میں تاثیر ہی نہیں لیکن
یہ دل فگار کبھی آسماں فگار ہوئی

احمد فراز

فراز راحتِ جاں بھی وہی ہے کیا کیجے
وہ جس کے ہاتھ سے سینہ فگار اپنا ہے

قابل اجمیری

گزر گیا یونہی چپ چاپ کاروان بہار
نوید گل بھی نہ دی دل فگار بھی نہ کیا

ناصر کاظمی

کسی کا درد ہو دل بیقرار اپنا ہے
ہوا کہیں کی ہو سینہ فگار اپنا ہے