امام بخش ناسخ

آرزو ہے جو مروں میں تو یہیں دفن بھی ہوں
ہے جگہ تھوڑی سی درکار ترے کوچے میں

انشاء اللہ خان انشا

صاحب تمہیں تمہیں نہیں ہرگز نہیں نہیں
مجھ کو نہیں نہیں نہیں درکار چار پانچ

باقی صدیقی

اہلِ دل فرمائیں کیا درکار ہے
جام ہے ، مے ہے ، رسن ہے ، دار ہے

جون ایلیا

یاد آشوب کا عالم تو وہ عالم ہے کہ اب
یاد مستوں کو تری یاد بھی درکار نہیں

ثروت حسین

سفینہ رکھتا ہوں درکار اک سمندر ہے
ہوائیں کہتی ہیں اس پار اک سمندر ہے

فانی بدایونی

زندگی جبر ہے اور جبر کے آثار نہیں
ہائے اس قید کو زنجیر بھی درکار نہیں