امام بخش ناسخ

دل بنا عاشقی میں خود مختار
اور مجبور کر دیا ہم کو

انشاء اللہ خان انشا

بھینچی ہے بغل اپنی میں اس زور سے جو عشق
تو توڑنے پر ہے کسی مجبور کی گردن

مصحفی غلام ہمدانی

کیوں مصحفیؔ کو اتنی تو کرتا ہے نصیحت
سر چڑھ نہ بہت اس کے جو مجبور ہو اے شیخ

باقی صدیقی

کوئی مختار اور کوئی مجبور
خوب ہے تیری بزم کا دستور

شکیب جلالی

پاس رہ کر بھی بہت دور ہیں دوست
اپنے حالات سے مجبور ہیں دوست
گفتگو کے لیے عنواں بھی نہیں
بات کرنے پہ بھی مجبور ہیں دوست

عرفان صدیقی

اس کا نام ہی انتم سر ہے مری صدا کے سرگم کا
اس کے آگے سناٹا ہے کوئی اگر مجبور کرے

اختر شیرانی

حزیں ہے بیکس و رنجور ہے دل
محبت پر مگر مجبور ہے دل
بہت چاہا نہ جائیں تیرے در پر
مگر کیا کیجیے مجبور ہے دل
محبت کے اقرار سے شرم کب تک
کبھی سامنا ہو تو مجبور کر دوں
تو گر سامنے ہو تو میں بے خودی میں
ستاروں کو سجدے پہ مجبور کر دوں

اسرار الحق مجاز

وہ نقاب آپ سے اٹھ جائے تو کچھ دور نہیں
ورنہ میری نگہِ شوق بھی مجبور نہیں

بشیر بدر

تنہائیوں نے توڑ دی ہم دونوں کی انا!
آئینہ بات کرنے پہ مجبور ہو گیا

تلوک چند محروم

کس کو منظور تھا رسوا ہونا
دل کے ہاتھوں ہوئے مجبور بہت

حسرت موہانی

گستاخ دستیوں کا نہ تھا مجھ میں حوصلہ
لیکن ہجوم شوق نے مجبور کر دیا

عزیز حامد مدنی

ایک ہی شہر میں رہتے بستے کالے کوسوں دور رہا
اس غم سے ہم اور بھی ہارے وہ بھی تو مجبور رہا
کال تھا اشکوں کا آنکھوں میں لیکن تیری یاد نہ پوچھ
کیا کیا موتی میں بھی فراہم کرنے پر مجبور رہا

فانی بدایونی

ہم موت بھی آئے تو مسرور نہیں ہوتے
مجبور غم اتنے بھی مجبور نہیں ہوتے

مجروح سلطان پوری

تقدیر کا شکوہ بے معنی جینا ہی تجھے منظور نہیں
آپ اپنا مقدر بن نہ سکے اتنا تو کوئی مجبور نہیں

ناصر کاظمی

ہم اپنا غم بھول گئے
آج کسے دیکھا مجبور