امام بخش ناسخ

ملکُ الموت اگر کہیے انہیں تو ہے بجا
قتلِ بے تیغ پری زاد کیا کرتے ہیں

انشاء اللہ خان انشا

عیش و عشرت کرو ہر وقت تم انشا اللہؔ
حسن چمکائے پھرو سب میں پری زاد رہو

مومن خان مومن

ہم چارہ گر کو یوں ہی پنہائیں گے بیڑیاں
قابو میں اپنے گر وہ پری زاد آ گیا

جون ایلیا

باغ جاں سے تو کبھی رات گئے گزرا ہے
کہتے ہیں رات میں کھیلیں ہیں پری زاد اس میں

جگر مراد آبادی

کیوں آتشِ گل میرے نشیمن کو جلائے
تنکوں میں ہے خود برق چمن زاد کا عالم
بڑی مشکل سے پیدا ایک وہ آدم زاد ہوتا ہے
جو خود آزاد جس کا ہر نفس آزاد ہوتا ہے

قمر جلالوی

تجھ سے میں واقف تو تھا گندم نما اوجو فروش
فطرتاً کھانا پڑا دھکا کہ آدم زاد ہوں

عرفان صدیقی

داستانوں میں تو ہم نے بھی پڑھا ہے ، لیکن
آدمی کا بھی کوئی رشتہ پری زاد سے ہے