مرزا غالب

بزم شاہنشاہ میں اشعار کا دفتر کھلا
رکھیو یارب یہ در گنجینۂِ گوہر کھلا

یگانہ چنگیزی

واں نقاب اٹھی کہ صبح حشر کا منظر کھلا
یا کسی کے حسن عالم تاب کا دفتر کھلا
آنکھ جھپکی تھی تصور بندھ چکا تھا یار کا
چونکتے ہی حسرتِ دیدار کا دفتر کھلا

باقی صدیقی

چوڑو شعر اٹھو باقیؔ
وقت ہوا ہے دفتر کا

جون ایلیا

یہ شب کا رقص و رنگ تو کیا سن مری کہن
صبح شتاب کوش کو دفتر بھی کچھ نہیں

عرفان صدیقی

فہرستِ چاکراں میں سلاطیں کے ساتھ ساتھ
میرا بھی نام ہے سرِ دفتر لکھا ہوا
اب کیا شکایت ستم دہر کیجیے
جتنے گلے تھے داخل دفتر بھی ہو گئے

الطاف حسین حالی

کچھ کذب و افترا ہے کچھ کذب حق نما ہے
یہ ہے بضاعت اپنی اور یہ ہے دفتر اپنا

سید ضمیر جعفری

شہروں میں اب لوگ کہاں
سب بابو دفتر کے ہیں

فانی بدایونی

لکھ چکے ہم جا چکا خط گر یہی حالت رہی
ہاتھ میں آیا قلم اور شوق کا دفتر کھلا

امیر مینائی

حشر میں اجلاس کس کا ہے کہ آج
لے کے سب اعمال کا دفتر چلے