امام بخش ناسخ

خط کے آغاز میں تو مجھ سے ہوا صاف تو کب
لطف تب تھا کہ صفائی میں صفائی ہوتی

بہادر شاہ ظفر

ہو ملاقات تو صفائی سے
اور صفائی نہیں تو پھر کیا ہے

داغ دہلوی

قتل کرتی ہے گفتگو ان کی
بات میں بات کی صفائی ہے
ناگہاں شکوۂِ بیداد تو کر بیٹھے ہم
اب یہ ہے فکر کریں ان سے صفائی کیونکر
وہ یہاں آئیں وہاں غیر کا گھر ہو برباد
اس طرح سے ہو صفائی میں صفائی کیونکر

شیخ ابراہیم ذوق

کون گھر آئینے کے آتا اگر وہ گھر میں
خاکساری سے نہ جاروب صفائی دیتا

مصحفی غلام ہمدانی

نہ مل حجام رخسار اس کے ہر دم
منڈایا خط صفائی ہو چکی بس

جگر مراد آبادی

پڑ گیا حسن رخِ یار کا پرتو جس پر
خاک میں مل کے بھی اس دل کی صفائی نہ گئی