امام بخش ناسخ

آ گیا جب سے نظر وہ شوخ ہرجائی مجھے
کو بہ کو در در لیے پھرتی ہے رسوائی مجھے
عشق کامل جو ہوا ننگ کہاں عار کہاں
دھیان بدمست کو رہتا نہیں رسوائی کا

داغ دہلوی

کیا چھپے راز الٰہی دل شیدائی کا
عرصۂِ حشر تو بازار ہے رسوائی کا
کیا غرض ہے مری تقدیر کو مجھ سے پوچھے
آبرو کا ہے طلب گار کہ رسوائی کا

مصحفی غلام ہمدانی

یا گھر سے قدم میرا باہر نہ نکلتا تھا
یا شہر کی گلیوں میں رسوائی ہے اور میں ہوں
چلا جب شہر سے مجنوں طرف صحرا کی یوں بولا
نصیب اپنے تو اس عالم میں رسوائی کا عالم تھا

قمر جلالوی

میں تماشا تو دکھا دوں ستم آرائی کا
کیا کروں حشر میں ڈر ہے تری رسوائی کا

عرفان صدیقی

ہم سے شاید ہی کبھی اس کی شناسائی ہو
دل یہ چاہے ہے کہ شہرت ہو نہ رسوائی ہو

الطاف حسین حالی

رنج اور رنج بھی تنہائی کا
وقت پہنچا مری رسوائی کا
ہوں گے حالیؔ سے بہت آوارہ
گھر ابھی دور ہے رسوائی کا
ہوں گے حالیؔ سے بہت آوارہ
گھر ابھی دور ہے رسوائی کا
ہم نہ کہتے تھے کہ حالیؔ چپ رہو
راست گوئی میں ہے رسوائی بہت
بات سچی کہی اور انگلیاں اٹھیں سب کی
سچ میں حالیؔ کوئی رسوائی سی رسوائی ہے

آنس معین

تردید تو کر سکتا تھا پھیلے گی مگر بات
اس طور بھی ہوگی تری رسوائی ذرا اور

زہرا نگاہ

اب ذوقِ طلب وجہ جنوں ٹھہر گیا ہے
اور عرضِ وفا باعث رسوائی ہے دیکھو

عبید اللہ علیم

اول عشق میں خبر بھی نہ تھی
عزتیں بخشتی ہے رسوائی

احمد راہی

کسی کے حسن تمنا کا پاس ہے ورنہ
مجھے خیال جہاں ہے نہ خوف رسوائی

حسرت موہانی

تو نے حسرتؔ کی عیاں تہذیب رسم عاشقی
اس سے پہلے اعتبار شان رسوائی نہ تھا

حفیظ جالندھری

سیکھ دنیا ہی میں زاہد حور سے ملنے کے ڈھنگ
ورنہ روئے گا کہ جنت میں بھی رسوائی ہوئی

خاطر غزنوی

اس سے پہلے بھی کئی بار ملے تھے لیکن
شوق دلدادۂ رسوائی نہیں تھا اتنا

شکیل بدایونی

بظاہر ضبط پیہم بھی شریک درد الفت ہے
شکیلؔ اس پر بھی اپنے دل کی رسوائی نہیں جاتی
قدر ہونے لگی ارباب محبت میں شکیلؔ
مجھ کو انسان بنایا مری رسوائی نے

احمد فراز

جن کو پیراہنِ توقیر و شرف بخشا ہے
وہ برہنہ ہیں‌ انہیں‌ خلعتِ رسوائی دے

اقبال ساجد

دائرے بڑھتے گئے پرکار کا منہ کھل گیا
وہ بھی داخل ہو گیا اب سرحد رسوائی میں

قتیل شفائی

ٹوٹ گئے سیال نگینے پھوٹ بہے رخساروں پر
دیکھو میرا ساتھ نہ دینا بات ہے یہ رسوائی کی
شاید مرے بدن کی رسوائی چاہتا ہے
دروازہ میرے گھر کا بینائی چاہتا ہے
کچھ اس لیے بھی اپنے چرچے ہیں شہر بھر میں
اک پارسا ہماری رسوائی چاہتا ہے
کیا عشق تھا جو باعث رسوائی بن گیا
یارو تمام شہر تماشائی بن گیا
کر دیا بالکل اپنے جیسا مجھ کو اندھے کیوپڈ نے
اپنی شہرت جان رہا ہوں میں اپنی رسوائی کو
گریباں در گریباں نکتہ آرائی بھی ہوتی ہے
بہار آئے تو دیوانوں کی رسوائی بھی ہوتی ہے

محسن نقوی

میں بڑھاؤں گا تری شہرت خوشبو کا نکھار
تو دعا دے مرے افسانۂ رسوائی کو

ناصر کاظمی

پھر اس کی یاد میں دل بے قرار ہے ناصرؔ
بچھڑ کے جس سے ہوئی شہر شہر رسوائی
چھپتا پھرتا ہے عشقِ دنیا سے
پھیلتی جا رہی ہے رسوائی