امام بخش ناسخ

نمود ہو نہ ترے خط عنبر افشاں کی
رہے وہ جلد عذار و ذقن کے پردے میں

انشاء اللہ خان انشا

حوض آئینہ سے فوارہ نزاکت کا چھٹے
رونق افزا جو ہو وہ چاہِ ذقن آئینے میں

حیدر علی آتش

ہر چند باغ دہر میں مدت سے ہوں مقیم
آتشؔ نظر پڑا نہ وہ سیب ذقن ہنوز
زوال حسن کھلواتا ہے میوے کی قسم مجھ سے
لگایا داغ خط نے آن کر سیب ذقن بگڑا
حسن سے دل تو لگا عشق کا بیمار تو ہو
پھر یہ عناب لب و سیب ذقن ہے کس کا

شیخ ابراہیم ذوق

جیسے کنویں میں ہو کوئی تارا چمک رہا
دل سوجھتا ہے یوں تہ چاہِ ذقن مجھے