امام بخش ناسخ

لی جان خدا نے کسی بت نے نہ کیا قتل
نکلا نہ دمِ مرگ بھی ارمان ہمارا

داغ دہلوی

حضرتِ دل آپ ہیں جس دھیان میں
مر گئے لاکھوں اسی ارمان میں
نشتر سے کم نہیں ہے کچھ چھیڑ آرزو کی
عاشق مزاج کیوں کر ارمان کر کے بھولے
رہ جائے بعد وصل بھی چیٹک لگی ہوئی
کچھ رکھئے کچھ نکال کے ارمان جائیے
لذت عشق الٰہی مٹ جائے
درد ارمان ہوا جاتا ہے
آتش شوق بجھی جاتی ہے
خاک ارمان ہوا جاتا ہے
کیا آئے راحت آئی جو کنج مزار میں
وہ ولولہ وہ شوق وہ ارمان تو گیا

باقی صدیقی

وہ نظر اٹھنے لگی دل کی طرف
حادثے اب مرے ارمان ہوئے

حسرت موہانی

آنکھوں نے تجھے دیکھ لیا اب انہیں کیا غم
حالاں کہ ابھی دل کو ہیں ارمان ہزاروں

شکیل بدایونی

داغ ماتھے پہ چلے شیخ و برہمن لے کر
آئے تھے دیر و حرم تک بڑے ارمان کے ساتھ

فانی بدایونی

رہ جائے یا بلا سے یہ جان رہ نہ جائے
تیرا تو اے ستمگر ارمان رہ نہ جائے

احمد فراز

ہم تو یوں خوش تھے کہ اک تار گریبان میں ہے
کیا خبر تھی کہ بہار اس کے بھی ارمان میں ہے