امام بخش ناسخ

لی ہم نے بلا اپنے ہی سر سب کو بچایا
اے جان ہے اغیار پہ احسان ہمارا

انشاء اللہ خان انشا

دیجیے دیجیے ہے عین سعادت اپنی
عاشقوں پر تو ہے احسان یہ گالی دینا

داغ دہلوی

گر ہو سلوک کرنا انسان کر کے بھولے
احسان کا مزا ہے احسان کر کے بھولے
آئے ہیں آپ غیر کے گھر سے کھڑے کھڑے
یہ اور کو جتائیے احسان، جائیے
موت سے پہلے مجھے قتل کرو
اس کا احسان ہوا جاتا ہے
دل لے کے مفت کہتے ہیں کچھ کام کا نہیں
الٹی شکایتیں ہوئیں احسان تو گیا

مصحفی غلام ہمدانی

ہندوستاں کے گردن خورد و بزرگ پر
ہے سچ تو یہ مرا ہی ہے احسان شاعری

جمال احسانی

اپنا جب بوجھ مری جان اٹھانا پڑ جائے
دوسروں کا نہ کچھ احسان اٹھانا پڑ جائے

بہزاد لکھنوی

حد ستم تو ہے بھی حد وفا نہیں ہے
ظالم ترا ستم بھی احسان ہو نہ جائے

تلوک چند محروم

تلخی پند و نصائح بھی گوارا ہو گئی
حضرتِ واعظ بھی ہیں ممنون احسان غزل

جلیل مانک پوری

جدا سر ہوا پر ہوئے ہم نہ ہلکے
رہی تیغ گردن پر احسان ہو کر

حسرت موہانی

اک بار تھا سر گردن حسرتؔ پہ رہیں گے
قاتل تری شمشیر کے احسان ہزاروں

رسا چغتائی

جیسا ہوں جس حال میں ہوں میں
اللہ کا احسان ہے سائیں

شاد عظیم آبادی

خدا چاہے تو اب کے قتل گہہ میں مشکل آساں ہو
ترے بیمار ناحق موت کا احسان لیتے ہیں
کوئی گر سلطنت بھی دے تو واپس کر نہ لے اے دل
سبک ہر طرف تجھ کو غیر کا احسان کر دے گا

فانی بدایونی

آ کر پلٹ نہ خالی اے مرگ جان لے جا
فانیؔ کے سر پہ تیرا احسان رہ نہ جائے

فراق گورکھپوری

تجھے گھاٹا نہ ہونے دیں گے کاروبار الفت میں
ہم اپنے سر ترا اے دوست ہر احسان لیتے ہیں
رفیقِ زندگی تھی اب انیس وقتِ آخر ہے
ترا اے موت ہم یہ دوسرا احسان لیتے ہیں