امام بخش ناسخ

معتکف گرچہ بظاہر ہوں تصور میں مگر
کو بہ کو ساتھ یہ بے پیر لیے پھرتے ہیں

بہادر شاہ ظفر

ہے دل کو جو یاد آئی فلکِ پیر کسی کی
آنکھوں کے تلے پھرتی ہے تصویر کسی کی
دیکھ دل کو مرے او کافر بے پیر نہ توڑ
گھر ہے اللہ کا یہ اس کی تو تعمیر نہ توڑ

شیخ ابراہیم ذوق

دل سیپارہ کو لے ٹانک تعویذوں میں ہیکل کے
نہ سرکا یہ حمائل اے بتِ بے پیر پہلو سے

مصحفی غلام ہمدانی

ملے ایسے زردار سے کس کی جوتی
نہ تیار جس سے ترا پیر ہووے

یگانہ چنگیزی

مردوں سے شرط باندھ کے سوئی ہے اپنی موت
ہاں دیکھنا ذرا فلکِ پیر دیکھنا
برگشتہ اور وہ بتِ بے پیر ہو نہ جائے
الٹی کہیں دعاؤں کی تاثیر ہو نہ جائے
مستوں کی ٹھوکر اور مرا سر ہے ساقیا
دشمن کسی کا یوں فلکِ پیر ہو نہ جائے

قمر جلالوی

اقربا نا خوش وہ بزمِ دشمن بے پیر میں
موت ہی لکھی ہی کیا بیمار کی تقدیر میں
جوں ہو کر زباں تیری بتِ بے پیر بگڑی ہے
دعا کتنی حسیں تھی جس کی یہ تاثیر بگڑی ہے

مجید امجد

ان ریزہ ریزہ آئنوں کے روپ میں بتا
صدیوں کے طاق پر، فلکِ پیر، کون ہیں