امام بخش ناسخ

صنم کوچہ ترا ہے اور میں ہوں
یہ زندان دغا ہے اور میں ہوں
ادھر آنے میں ہے کس سے تجھے شرم
فقط اک غم ترا ہے اور میں ہوں

شیخ ابراہیم ذوق

قاتل جو تیرے دل میں رکاوٹ نہ ہو تو کیوں
رک رک کے میرے حلق پہ خنجر ترا چلے
ہائے محتاج ہوا مرہم زنگار کا تو
زخمِ دل زہر مجھے ہنسنا ترا لگتا ہے
جو وہ قد قامت سدا کہنے کو ہیں
اور عاشق وصف قد قامت ترا کہنے کو ہیں

باقی صدیقی

دوست ہر عیب چھپا لیتے ہیں
کوئی دشمن بھی ترا ہے کہ نہیں

ماجد صدیقی

آئنے ہیں مقابل جدھر دیکھیے
اپنی صورت ہے با چشم ترا سامنے

سیماب اکبر آبادی

محفل عشق میں جب نام ترا لیتے ہیں
پہلے ہم ہوش کو دیوانہ بنا لیتے ہیں

احمد فراز

جس طرح دھند میں ‌لپٹے ہوئے پھول
ایک اک نقش ترا یاد آیا

قتیل شفائی

کیا جانے کس ادا سے لیا تو نے میرا نام
دنیا سمجھ رہی ہے کہ سچ مچ ترا ہوں میں