مرزا غالب

کیا رہوں غربت میں خوش، جب ہو حوادث کا یہ حال
نامہ لاتا ہے وطن سے نامہ بر اکثر کھلا

داغ دہلوی

داغ کے نام سے نفرت ہے ، وہ جل جاتے ہیں
ذکر کم بخت کا آنے کو تو اکثر آیا

جون ایلیا

نظر پر بار ہو جاتے ہیں منظر
جہاں رہیو وہاں اکثر نہ رہیو
شہرِ دل میں عجب محلے تھے
ان میں اکثر نہیں رہے آباد
پہنچ مخبروں کی سخن تک کہاں
سو میں اپنے ہونٹوں پہ اکثر چھپا

جگر مراد آبادی

احساس عاشقی نے بیگانہ کر دیا ہے
یوں بھی کسی نے اکثر دیوانہ کر دیا ہے

شکیب جلالی

مشعلِ غم نہ بجھاؤ‘ کہ شکیبؔ‘ اس کے بغیر
راستہ گھر کا بھلا دیتی ہیں اکثر یادیں

مصطفی زیدی

ہوتی تھی حریفانہ بھی ہر بات پہ اک بات
رہتی تھی رقیبانہ بھی اکثر اسی گھر میں

الطاف حسین حالی

بیگانہ وش ہے گروہ تو ہے ہمارے ڈھب کا
ایسوں ہی سے نبھا ہے یارانہ اکثر اپنا

جمال احسانی

تیرے خیال میں کبھی اس طرح کھو گئے
تیرا خیال بھی ہمیں اکثر نہیں رہا

رئیس فروغؔ

جو بات کبھی برسوں میں نہ ہو
اس بات کو جی اکثر چاہے

اکبر معصوم

یہ سارے پھول یہ پتھر اسی سے ملتے ہیں
تو اے عزیز ہم اکثر اسی سے ملتے ہیں

بیخود بدایونی

رہبری کر کے مری خضر بھی چکر میں پڑے
اب انہیں جلوہ گہہ یار میں اکثر جانا

غلام محمد قاصر

زمانے سے قاصرؔ خفا تو نہیں ہیں
کہ دیکھے گئے ہیں وہ اکثر اکیلے
ذکر ہمارا ہونے لگا اب ایسا مثالوں میں
دریاؤں کے رخ پہ بنے گھر اکثر گرتے ہیں

حسرت موہانی

نہیں آتی تو یاد ان کی مہینوں تک نہیں آتی
مگر جب یاد آتے ہیں تو اکثر یاد آتے ہیں

شاد عظیم آبادی

دل نے اک دن بھی نہ دیکھا تجھ کو آہ
اس گلی تک خواب میں اکثر گیا

فانی بدایونی

عجلت پرواز جب ملنے بھی دے راہ گریز
یوں تو کھلنے کو قفس کا در کھلا اکثر کھلا

افضل منہاس

کوئی سایہ بھی نہ سہمے ہوئے گھر سے نکلا
ہم نے ٹوٹی ہوئی دہلیز کو اکثر دیکھا

احمد فراز

میں تو مقتل میں بھی قسمت کا سکندر نکلا
قرعۂ فال مرے نام کا اکثر نکلا
اس سے ملے تو زعمِ تکلم کے باوجود
جو سوچ کر گئے وہی اکثر نہیں کہا
کیا لوگ تھے کہ جان سے بڑھ کر عزیز تھے
اب دل سے محو نام بھی اکثر کے ہو گئے

شاذ تمکنت

کیا چیز تھی ہم رکھ کے کہیں بھول گئے ہیں
وہ چیز کہ یاد آئی نہ اکثر کئی دن تک

محسن نقوی

دکھ ہی ایسا تھا کہ محسنؔ ہوا گم سم ورنہ
غم چھپا کر اسے ہنستے ہوئے اکثر دیکھا
بھڑکائیں مری پیاس کو اکثر تری آنکھیں
صحرا مرا چہرا ہے سمندر تری آنکھیں

ناصر کاظمی

تو جیسے مرے پاس ہے اور محوِ سخن ہے
محفل سی جما دیتی ہیں اکثر تری یادیں