انشاء اللہ خان انشا

رکھائیاں جو یہی ہیں تو اس طرح اپنا
نہیں نہیں نہیں ہرگز نہیں نباہ نہیں
اس بندہ کی چاہ دیکھئے گا
اور اس کا نباہ دیکھئے گا

مصحفی غلام ہمدانی

نہ وہ وعدۂِ سرِ راہ ہے نہ وہ دوستی نہ نباہ ہے
نہ وہ دل فریبی کے ہیں چلن نہ وہ پیاری پیاری نگاہ ہے

مومن خان مومن

میں بھی کچھ خوش نہیں وفا کر کے
تم نے اچھا کیا نباہ نہ کی

جگر مراد آبادی

گلشن پرست ہوں مجھے گل ہی نہیں عزیز
کانٹوں سے بھی نباہ کیے جا رہا ہوں میں

ادا جعفری

مر مٹے جلدباز پروانے
اپنی سی شمع تو نباہ گئی

ضیا جالندھری

ہر لحظہ بدل رہے ہیں حالات
مجھ سے نہ کرو نباہ کی بات

حفیظ جالندھری

کس منہ سے کہہ رہے ہو ہمیں کچھ غرض نہیں
کس منہ سے تم نے وعدہ کیا تھا نباہ کا
تھا زندگی سے بڑھ کے ہمیں وضع کا خیال
جب عمر نے نباہ نہ کی ہم بھی چپ رہے

شاد عظیم آبادی

پہنچا کے ہم کو قبر میں جاتے ہیں اپنے گھر
لیجیے انھوں نے وعدہ کیا تھا نباہ کا
ڈھوئے کہاں تک اس تن خاکی کو عمر بھر
اب روح کو ملے کوئی گوشہ نباہ کا

شکیل بدایونی

رحمتوں سے نباہ میں گزری
عمر ساری گناہ میں گزری

ناصر کاظمی

گر یونہی رہی دلوں کی رنجش
مشکل ہے بہم نباہ رہنا