انشاء اللہ خان انشا

آپس میں روٹھنے کا انداز ہو تو یہ ہو
وہ ہم سے پھٹ رہے ہوں ہم ان سے پھٹ رہے ہوں
جی چاہتا ہے اے دل اک ایسی رات آوے
مطلع ہو صاف شہرا بادل بھی پھٹ رہے ہوں

عرفان صدیقی

ہمارے داغ چھپاتیں روایتیں کب تک
لباس بھی تو پرانا تھا، پھٹ گیا آخر

قتیل شفائی

لٹتے ہوئے عوام کے گھر بار دیکھ کر
اے شہریار تیرا کلیجا نہ پھٹ گیا

نوح ناروی

محبت کے رستے میں اے شوقِ منزل ملے گا عجب لطف پائے طلب کو
ادھر خار ہیں اور ادھر آبلے ہیں اگر نذر ہاں وہ ہیں تو یہ ہیں منہ پھٹ