مرزا غالب

دل ہوا کشمکش چارۂِ زحمت میں تمام
مٹ گیا گھسنے میں اس عقدے کا وا ہو جانا
بخشے ہے جلوۂِ گل، ذوقِ تماشا غالب
چشم کو چاہیے ہر رنگ میں وا ہو جانا
بندگی میں بھی وہ آزادہ و خودبیں ہیں، کہ ہم
الٹے پھر آئے ، درِ کعبہ اگر وا نہ ہوا
حسد سے دل اگر افسردہ ہے ، گرمِ تماشا ہو
کہ چشمِ تنگ شاید کثرتِ نظارہ سے وا ہو
جب تک دہانِ زخم نہ پیدا کرے کوئی
مشکل کہ تجھ سے راہِ سخن وا کرے کوئی
رونے سے اے ندیم ملامت نہ کر مجھے
آخر کبھی تو عقدۂِ دل وا کرے کوئی

مصطفٰی خان شیفتہ

گلشن میں چل کے بندِ قبا تیرے وا کروں
جی چاہتا ہے جامۂِ گل کو قبا کروں

مومن خان مومن

کیا نامے میں لکھوں دلِ وابستہ کا احوال
معلوم ہے پہلے ہی کہ وہ وا نہ کریں گے

میر مہدی مجروح

سخت مشکل ہے یار کا کھلنا
یہ گرہ کس طرح سے وا کیجے

یگانہ چنگیزی

اپنے دم کی ہے روشنی ساری
دیدۂ دل تو وا کرے کوئی

باقی صدیقی

غم کا باب وا ہوا
دل کا حق ادا ہوا
ہر کرن وقتِ سحر کہتی ہے
روزن دل کوئی وا ہے کہ نہیں

جون ایلیا

رنگ ہر رنگ میں ہے داد طلب
خون تھوکوں تو واہ وا کیجے
آج لب گہر فشاں آپ نے وا نہیں کیا
تذکرۂ خجستۂ آب و ہوا نہیں کیا
سامعۂ صدائے جاں بے سروکار تھا کہ تھا
ایک گماں کی داستاں بر لب نیم وا بھی تھی

جگر مراد آبادی

سرِ محشر ہم ایسے عاصیوں کا اور کیا ہو گا
درِ جنت نہ وا ہو گا در رحمت تو وا ہو گا
جستجو میں تری یہ حاصل سودا دیکھا
ایک اک ذرہ کا آغوش طلب وا دیکھا

خواجہ میر درد

مرا غنچۂ دل ہے وہ دل گرفتہ
کہ جس کو کسو نے کبھو وا نہ دیکھا

عرفان صدیقی

پھر کوئی رات بجھا دیتی ہے میری آنکھیں
پھر کوئی صبح دریچے مرے وا کرتی ہے

الطاف حسین حالی

راہ زاہد کو جب کہیں نہ ملی
در مے خانہ وا کیا تو نے
عشق کو تاب انتظار نہ تھی
غرفہ اک دل میں وا کیا تو نے
فزوں تر ہے کچھ ان دنوں ذوق عصیاں
در رحمت اب وا ہوا چاہتا ہے

عالم تاب تشنہ

عہد کم کوشی میں یہ بھی حوصلہ میں نے کیا
شہر کے سب بند دروازوں کو وا میں نے کیا

غلام محمد قاصر

قصر معنی کے مکیں تھے پھر بھی
طے نہ کی لفظ کی وادی ہم نے

حفیظ جالندھری

اے حفیظؔ آہ آہِ پر آخر
کیا کہیں دوست واہ وا کے سوا

شکیل بدایونی

کھل رہی ہے آنکھ اک کافر حسیں کی صبح دم
مے کشو مژدہ در مے خانہ وا ہونے کو ہے

فانی بدایونی

تاکید ہے کہ دیدۂ دل وا کرے کوئی
مطلب یہ ہے کہ دور سے دیکھا کرے کوئی
کس سے کھلتے ہیں تری زلفِ گرہ گیر کے بل
کوئی آسان ہے یہ عقدۂ دل وا ہونا

اختر ہوشیارپوری

میں نہ کہتا تھا کہ عجلت اس قدر اچھی نہیں
ایک پٹ کھڑکی کا آ کر دیکھ لو وا رہ گیا
طلسم گنبد بے در کسی پہ وا نہ ہوا
شرر تو لپکا مگر شعلۂ صدا نہ ہوا

قتیل شفائی

ترکِ الفت کی قسم بھی کوئی ہوتی ہے قسم
تو کبھی یاد تو کر بھولنے والے مجھ کو

ناصر کاظمی

سن کے آوازۂ زنجیرِ صبا
قفسِ غنچہ کا در وا ہو گا
میں اپنا عقدۂ دل تجھ کو سونپ دیتا ہوں
بڑا مزا ہو اگر وا نہ کر سکے تو بھی
گلشنِ فکر کی منہ بند کلی
شبِ مہتاب میں وا ہوتی ہے