انشاء اللہ خان انشا

لیک میں اوڑھوں بچھاؤں یا لپیٹوں کیا کروں
روکھی پھیکی ایسی سوکھی مہربانی آپ کی

حیدر علی آتش

شبِ فرقت میں یار جانی کی
درد پہلو نے مہربانی کی
برق چمکی تو سرفراز کیا
ابر آیا تو مہربانی کی
یہ مشتِ خاک ہو مقبول درگاہ
صبا کی چاہتا ہوں مہربانی

مصحفی غلام ہمدانی

گھڑی گھڑی نہ کریں ہم پہ مہربانی آپ
کہ حسن رکھتے ہیں اور عالم جوانی آپ

عبدالحمید عدم

کرم کے رنگ نہایت عجیب ہوتے ہیں
ستم بھی ایک طریقہ ہے مہربانی کا

اختر شیرانی

وہ شب کو مشک بو پردوں میں چھپ کر آ ہی جاتے ہیں
مرے خوابوں پر ان کی مہربانی اب بھی ہوتی ہے
خفا ہیں پھر بھی آ کر چھیڑ جاتے ہیں تصور میں
ہمارے حال پر کچھ مہربانی اب بھی ہوتی ہے

بہزاد لکھنوی

مہر کے پردے میں پوری دل ستانی ہو چکی
بندہ پرور رحم کیجیے مہربانی ہو چکی
ہم بھی تنگ آ ہی گئے آخر نیاز و ناز سے
ہاں خوشا قسمت کہ ان کی مہربانی ہو چکی

عبید اللہ علیم

کہاں تک اور بھلا جاں کا ہم زیاں کرتے
بچھڑ گیا ہے تو یہ اس کی مہربانی ہوئی

تلوک چند محروم

نگاہ اولیں کی دلستانی یاد آتی ہے
کسی نا مہرباں کی مہربانی یاد آتی ہے

ثروت حسین

چوم لیں میری انگلیاں ثروتؔ
اس نے اتنی تو مہربانی کی

جوش ملیح آبادی

آپ ہم کو سکھائیں رسم وفا
مہربانی ہے مہربانی ہے

امیر مینائی

عفو کے قابل مرے اعمال کب ہیں اے کریم
تیری رحمت پر ہے تیری مہربانی پر گھمنڈ

فراق گورکھپوری

بے نیازانہ سن لیا غمِ دل
مہربانی ہے مہربانی ہے
جور کم کم کا شکریہ بس ہے
آپ کی اتنی مہربانی بھی

نوح ناروی

کسے توقع نہ آئیں گے وہ یقیں کسے تھا بلائیں گے وہ
یہ خاص ان کی ہے مہربانی کہ مہربانی ہے اور ہم ہیں