مرزا غالب

ذکر اس پری وش کا، اور پھر بیاں اپنا
بن گیا رقیب آخر، تھا جو رازداں اپنا

باقی صدیقی

دنیا مجھے کہہ رہی ہے کیا کیا
کچھ تم بھی کہو کہ رازداں ہو

جگر مراد آبادی

الٰہی خیر کرنا دیر سے پھر
بہت مضطر نگاہ رازداں ہے

مجید امجد

ضمیرِ رازداں ہے اور میں ہوں
جہاں اندر جہاں ہے اور میں ہوں

مصطفی زیدی

کوئی ہم نفس نہیں ہے کوئی رازداں نہیں ہے
فقط ایک دل تھا اب تک سو وہ مہرباں نہیں ہے

اسرار الحق مجاز

تم مجازؔ دیوانے مصلحت سے بیگانے
ورنہ ہم بنا لیتے تم کو رازداں اپنا

تلوک چند محروم

عقل کو کیوں بتائیں عشق کا راز
غیر کو رازداں نہیں کرتے

فانی بدایونی

کسی نے تجھ کو نہ جانا مگر یہ کم جانا
یہ راز ہے کہ کوئی رازداں نہیں ملتا

قتیل شفائی

وہ راز جن کا لبوں نے نہ احترام کیا
برہنہ ہو کے دل رازداں میں رہتے ہیں

محسن نقوی

رونقیں شور میلے جھمیلے ترے
اپنی تنہائی کا رازداں ایک میں

ناصر کاظمی

دل ٹپکنے لگا ہے آنکھوں سے
اب کسے رازداں کرے کوئی