انشاء اللہ خان انشا

آتی ہے نظر اس کی تجلی ہمیں زاہد
ہر چیز میں ہر سنگ میں ہر خار میں خس میں

شیخ ابراہیم ذوق

ہوائے کوے جاناں لے اڑے اس کو تعجب کیا
تن لاغر میں ہے جاں اس طرح جس طرح بو خس میں

مرزا رفیع سودا

پہنچے ہے نم داغِ جگر تا سرِ مژگاں
شاداب میں رکھتا ہوں سدا آگ سے خس کو

جون ایلیا

ہو گئی اس گلے میں عمر تمام
پاس شعلے کو خار و خس کا نہیں

عرفان صدیقی

ذرا سے لمسِ شرر سے عجب کمال کیا
میں سوچتا تھا مرے خار و خس میں کچھ بھی نہیں
میں جانتا ہوں کہ تو ایک شعلہ ہے ‘ لیکن
بدن میں ڈھیر بہت دن سے خار و خس کا ہے