انشاء اللہ خان انشا

ہائے کہنا وہ اس کا چپکے سے
تجھے انشاؔ ہماری جی کی قسم

داغ دہلوی

جو دم ہے وہ ہے بسا غنیمت
سارا سودا ہے جیتے جی کا
جو دم ہے وہ ہے بسا غنیمت
سارا سودا ہے جیتے جی کا
آپ کا مجھ سے جی نہیں‌ملتا
اس محبت پہ جی سے ملنا تھا
نہ رونا ہے طریقے کا نہ ہنسنا ہے سلیقے کا
پریشانی میں کوئی کام جی سے ہو نہیں سکتا

مصحفی غلام ہمدانی

جی سے مجھے چاہ ہے کسی کی
کیا جانے کوئی کسی کی جی کی
کیا کروں نا سازی طالع کا میں شکوہ کہ آہ
جس کو جی چاہے ہے میرا اس کا جی ملتا نہیں

مومن خان مومن

ٹھانی تھی دل میں اب نہ ملیں گے کسی سے ہم
پر کیا کریں کہ ہو گئے ناچار جی سے ہم

جون ایلیا

مجھ میں اب میرا جی نہیں لگتا
اور ستم یہ کہ میرا جی ہی نہیں
غم شعور کوئی دم تو مجھ کو مہلت دے
تمام عمر جلایا ہے اپنا جی میں نے

مجید امجد

اب میری زندگی میں آنسو ہیں اور نہ آہیں
لیکن یہ ایک میٹھا میٹھا سا روگ جی کا

ادا جعفری

دل اپنا جلایا ہے کسی نے بھی خوشی سے
بن جاتی ہے جی پر تو گزر جاتے ہیں جی سے

ضیا جالندھری

پھر کسی پر نہ اعتبار آئے
یوں اتارو نہ اپنے جی سے مجھے

فارغ بخاری

چاندنی نے رات کا موسم جواں جیسے کیا
ہم نے بھی چہرہ فروزاں شیشۂ مے سے کیا

امیر مینائی

تمہیں حور اے شیخ جی سوجھتی ہے
مجھے رشکِ حور اک پری سوجھتی ہے

فراق گورکھپوری

کرنے کو ہیں دور آج تو تو یہ روگ ہی جی سے
اب رکھیں گے ہم پیار نہ تم سے نہ کسی سے

محسن نقوی

اگرچہ میں اک چٹان سا آدمی رہا ہوں
مگر ترے بعد حوصلہ ہے کہ جی رہا ہوں
کھلی ہیں آنکھیں مگر بدن ہے تمام پتھر
کوئی بتائے میں مر چکا ہوں کہ جی رہا ہوں

ناصر کاظمی

آج تو بے سبب اداس ہے جی
عشق ہوتا تو کوئی بات بھی تھی