مرزا غالب

ذرہ ذرہ ساغرِ مے خانۂِ نیرنگ ہے
گردش مجنوں بہ چشمکہاے لیلیٰ آشنا
نفسِ قیس کہ ہے چشم و چراغِ صحرا
گر نہیں شمعِ سیہ خانۂِ لیلی نہ سہی
عالم غبارِ وحشتِ مجنوں ہے سر بسر
کب تک خیالِ طرۂِ لیلیٰ کرے کوئی

مصحفی غلام ہمدانی

دل اپنا الجھتا تھا تبھی جن دنوں پیارے
تھی زلف تری طرۂِ لیلیٰ کے دنوں میں

یگانہ چنگیزی

آنکھیں بنوائیے پہلے ذرا اے حضرت قیس
کیا انہیں آنکھوں سے نظارۂ لیلی ہو گا

احسان دانش

قیس یہ معراج الفت ہے کہ اعجاز جنوں
نجد کے ہر ذرے کو تصویر لیلیٰ کر دیا

سیماب اکبر آبادی

نجد کے ہرنوں سے اعجاز محبت پوچھیے
پڑ گئی جس پر نگاہِ قیس لیلیٰ ہو گیا

فانی بدایونی

جلوۂ کثرت خود اپنا شوق بے اندازہ تھا
محفل لیلیٰ مری نظروں میں لیلیٰ بن گیا

احمد فراز

ہر بزم میں‌ موضوعِ سخن دل زدگاں کا
اب کون ہے شیریں ہے کہ لیلیٰ ہے کہ تم ہو