انشاء اللہ خان انشا

دیکھنا جب مجھے کر شان یہ گالی دینا
کس سے تم سیکھے ہو ہر آن یہ گالی دینا

بہادر شاہ ظفر

سب رنگ میں اس گل کی مرے شان ہے موجود
غافل تو ذرا دیکھ وہ ہر آن ہے موجود

داغ دہلوی

لینا سنبھالنا کہ مرے ہوش اڑ چلے
آتا ہے کوئی مست قیامت کی شان سے
تیرے دیوانوں کا بھی لشکر آج
کس تجمل سے شان سے نکلا

مصحفی غلام ہمدانی

فہم میں اتنا نہیں آتا بحکم رائے پست
اس بلندی سے گھٹی جاتی ہے شان ریختہ
ہوں شیخ مصحفی کا میں حیران شاعری
اللہ مفلسی میں یہ کچھ شان شاعری

مومن خان مومن

ہنسو نہ تم تو مرے حال پر میں ہوں وہ ذلیل
کہ جس کی ذلت و خواری سے تم کو شان لگی

یگانہ چنگیزی

میں پیمبر نہیں یگانہؔ سہی
اس سے کیا کسرِ شان میں آئی

باقی صدیقی

ہے عبارت غزل سے تیرا غرور
اور قائم ہے تجھ سے شانِ غزل

جون ایلیا

لمحے لمحے کی اپنی تھی اک شان
تو نے ہی ایک شان میں رکھا

تلوک چند محروم

گو نہیں حاصل غزل گوئی میں مجھ کو دسترس
میں بھی ہوں محرومؔ دل سے قائل شانِ غزل

حفیظ جالندھری

تو مرے حال کا خیال نہ کر
اس میں بھی ایک شان ہے پیارے
ہم ہیں بندے مگر ترے بندے
یہ ہماری بھی شان ہے پیارے

شاد عظیم آبادی

تری رو پوشیاں اے حسن کب بے کار جائیں گی
یہی پردہ عیاں عالم میں تیری شان کر دے گا

شکیل بدایونی

نغمۂ عشق سناتا ہوں میں اس شان کے ساتھ
رقص کرتا ہے زمانہ مرے وجدان کے ساتھ