مرزا غالب

نام کا میرے ہے جو دکھ کہ کسی کو نہ ملا
کام میں میرے ہے جو فتنہ کہ برپا نہ ہوا

جون ایلیا

خموشی سے ادا ہو رسم دوری
کوئی ہنگامہ برپا کیوں کریں ہم

عرفان صدیقی

صدیوں سے ہے اک معرکہ لیکن یہ سرکارِ وفا
قائم بھی ہے ، دائم بھی ہے ، برحق بھی ہے ، برپا بھی ہے
سب داغ ہائے سینہ ہویدا ہمارے ہیں
اب تک خیام دشت میں برپا ہمارے ہیں

الطاف حسین حالی

بہت چین سے دن گزرتے ہیں حالیؔ
کوئی فتنہ برپا ہوا چاہتا ہے

احسان دانش

عشق کی دنیا میں اک ہنگامہ برپا کر دیا
اے خیال دوست یہ کیا ہو گیا کیا کر دیا

اسرار الحق مجاز

پرتو ساغر صہبا کیا تھا
رات اک حشر سا برپا کیا تھا

جوش ملیح آبادی

طغیان گل شباب پہ بلبل خروش میں
اک حشر سا ہے باغ میں برپا ترے لیے

حسرت موہانی

پڑھ کے تیرا خط مرے دل کی عجب حالت ہوئی
اضطراب شوق نے اک حشر برپا کر دیا

فراق گورکھپوری

نہ پوچھ رمز و کنایات چشمِ ساقی کے
بس ایک حشر خموش انجمن میں برپا تھا

محسن احسان

عجب ہلچل مرے اندر مچی ہے
قیامت ہے مگر برپا کہاں ہے

ناصر کاظمی

گل زمینوں کے خنک رمنوں میں
جشنِ رامش گری برپا ہو گا